هو في كده ياجدعان !!

هو في كده ياعالم ؟ ..هو في كده  ياجدعان ؟ الكاس تطير من بور سعيد في لمح البصر ؟  هو حرام  مدينة زي بور سعيد تفرح ؟ هو مش المفروض في حاجة اسمها عدالة اجتماعية في توزيع الثروات . قصدي البطولات ؟ ولغاية أمتي الأهلي هايكوش علي كل البطولات !  ولغاية امتي هانستنمر في لغز  الدقائق الأخيرة ..خلصنا من +90 وطلعتلنا + 120 .. بيقولوا حظ عوالم وانا بقول لعيبة رجالة
احمد منصور افضل مدافع في مصر حاليا ..نفسي اعرف اسم الجهبذ اللي كان سبب رحيله بلوشى من الزمالك

شامي ايه ومغربي ايه اللي يتخانقوا عليه الأهلي والزمالك ..والله عيب مجرد لعيب عادي جدا وأقل من العادي كمان
حسام حسن افضل مدير فني هذا الموسم بلا منازع والجديد هو سيطرته علي انفعالاته ...انتظروا حسام حسن مديرا فنيا للأهلي ..اه الأهلي ..الزمالك انسي

ظاهرة مرتضي منصور مستمرة أربع سنوات قادمة وهايكتسح انتخابات رئاسة الزمالك القادمة وبكرة تشوفوا

اسوء خبر رياضي ممكن تسمعه هو  سقوط الكابتن محمود الخطيب في انتخابات الأهلي ..معقولة بيبو ساحر الكرة ورمزها الأول يسقط في اي انتخابات ..مع الأسف أيوه معقول !!

اغلب معلقي كرة القدم اخرهم يشتغلوا  بالكتير قوي (منادين سيارات ) ..فهد العتيبي كشف ناس كتير